هذيان كوميدى لكن عقلانى / بقلمي

أنتبهوا توجد مطبات صناعية بهذا الموضوع من لديه سيارة يتركها ويركب طيارة

رحلة سعيدة من غير طيار والمضيفة هتلاقوها فى أخر الموضوع بتقولكم رحلة سعيدة الطيارة رجعت المطار

أنا اللى خلانى أفكر أكتب الكلام اللى هتشوفه الحين بنتين أنا معرفهمش ولا عايزة أعرفهم سمعتهم بيتكلموا مع بعض فى الحب وكل واحدة خايفة لحبيبها يتنيل على عينه ويسبها والأتنين خايفين وعمالين يتفقوا يعملوا مؤمرات وتخطيطات تخليهم ميفكروش يبعدوا عنهم وفجأة لقيت نفسى ببدأ كلامى وبكتب وبقول : -

فكرت كتير لما أحب من طرف واحد وحبيبتى تبعد عنى أكتب وأقول أرجعيلى شعرى وقف من الخضة وبنطلونى بيوقع منى بس قولت وعلى أيه ترجع ما أخليها زى ما هيا بعيدة ما كده أحسن طالما فكرت تبعد مرة يبقا أكيد هتبعد 100 مرة وعلى أيه الذل والمهانة وحنفية الدموع دى فاتورة الميه بقت غالية وكل ده علشان ترجع ما أنا كده كويس حافظ كرامتى بدل ما أحطها فى تلاجة 14 قدم والتلاجة تفرقع من الخضة ده لو أنا اللى حبيت طب ولو أنا اللى أتحبيت من طرف واحد وبعدت عنها أنا يا ترى هيكون أيه شعورها هتفرح ولا هتبكى سؤال كتير بسأله لنفسى بس أكيد مش هلاقى ليه جواب لأن مش كل البنات زى بعضها ممكن بنت تفرح وتعمل حفلة كمان فى الشارع وتفضح نفسها وتفضحنى معاها وألاقى نفسى فى التليفزيون منور الشاشة المستديرة وممكن بنت تانية تشد شعرها لغاية ما تتقرع وتبقا عاملة زى منقرع وممكن بنت تالتة تتجنن رسمى وتروح مستشفى المجانين وممكن بنت رابعة ترمى نفسها تحت حنفية ميه علشان تفوق وتقول أيه الهبل اللى أنا فيه ده مفيش راجل يستاهل وكمان مفيش بنت تستاهل أن الواحد يضحى بنفسه ويحياته علشانها بس لو الحب من طرفين فده ليه كلام تانى خالص محتاج حالة غير حالة الهذيان اللى أنا فيها فمهما كان فالبشر ناقص وليس كامل فخسارة نضيع حياتنا علشان كلام فارغ ودى وجهة نظر ومش كل الناس هتفكر زيى لأن الناس اللى بتحب الكلام الفارغ كتروا أوى اليومين دول ولو سمعنا وجهة نظرهم ممكن نسمع أفلام هندية وأنا بصراحة مش بحب الهندى بس بحب التايوانى وربنا يشفى المجانين برغم أنى كتير بحسدهم على جنانهم لأنى ساعات كتير بحسهم فى نعيم بدل الغابة اللى بقينا بنعيش فيها بس كويس لسه فى شويه قرود عايشة بينا بتضحكنا لما بتاكل الموز وهيا قاعدة لأمواخذة على ؟؟؟ علشان تتدارى الخيبة التقيلة وأنا لو منهم أروح أجنن الأسود وأخليهم يطفشوا من الغابة بس أنا مش منهم حتى ولو صحيح اللى بيتقال أن الإنسان أصله قرد فأنا أصلى إنسان مش حيوان والحيوان اللى بجد اللى يشوف غيره بيموت ويتفرج ويضحك وفى بقه سيجارة بيدخنها قال أيه علشان ينسى نفسى أعرف المدخن بيدخن علشان ينسى أيه ولو نسى هيتفضل أيه هنفكر فيه غير سهرة وعشوة حلوة على النيل ده لو نيل أصلا بس أكيد فى ناس متنيلة بنيلة سودا على دماغهم الطينة وكفاية كده علشان شكلى هغرق فى الترعة اللى أنا قاعد جنبها دلوقتى وألحقلى أركبلى تاكسى وأروح بيتى وأنزل الكلام ده على النت علشان اللاب أتهطل ومرضاش يجيى معايا أحسن يقع فى الميه ويغرق وهوا مش جايب معاه الفوطة .

وسامحونى على هذيانى بس ساعات الواحد لما يكون فى الحالة دى بيقول كلام كتير واقعى وعلى العموم أنا فى حالة هذيان محترمة الحين يعنى تقريبا مريض وليس على المريض حرج وشكرا للناس العاقلة اللى هتفهم مضمون كلامى والناس الغير عاقلة خليهم نايمين فى حضن البقر ومتنسوش تشربوا اللبن يا حلوين ومحدش يزعل لأن أكيد اللى هيزعل هيكون حيوان لأن الحيوان معندهوش عقل وأحنا ربنا الحمد لله ميزنا بالعقل .

سلام يا ناس يا عاقلة

واللى معندهوش عقل مينساش يشرب اللبن وينام فى غيبوية ميصحاش منها غير لما يكون فى بقه سيجارة ألكترونية من اللى بتنور فى المناخير
والناس اللى عقلها فى وسط راسها وبتلعب مع قلوبها النطة تتنط بعيد عنى أحسن أتجنن وألعب أنا كمان معاهم النطة وأنط فى عب حد فيكم وتبقا هيصة يا ناس يا لايصة

وأشوفكم على خير مع هذيان جديد عقلانى لكن كوميدى ما الحياة حلوة لما بنعكسها ومرة كده ومرة كده علشان تحلو ونحلو معاها والحياة بتكون حلوة بجد لما تكون عيونا حلوة مش متحمرة .

والسلام ختام لأحلى عيون هتشوف الهذيان

ههههههه

كعادتك تضعين اروع المواضيع

دائما مواضيعك تشدني لاقراها

شكرا طرحتي فابدعتي هذيان كوميدى لكن عقلانى / بقلمي 1298878781

ههههههه

حقا انت دائما تضعين اروع المواضيع

يسلموا .....

» نقطة ضعفك / بقلمي